Concessione dello stemma gentilizio a Salvatore Lostia
9.3.1745
Nos Carolus Emanuel, etc.
Cum regio nostro edicto diei duodecima februarii anni 1743 relativa ad aliud diei 15 maii anni 1738 statutum sit ut adquiritoribus gentiorum insinuationis sive insinuatoris in nostro Sardiniae Regno arma seu insignia gentilitia non habentibus a nobis concederentur absque obligatione alicujus praestationis, aut emolum.ti cumque Salvador Lostia in urbe calaritana domiciliatus offitium insinuationis, sive insinuatoris tappae caralitanae ab intendente nostro generali in eodem regno in feudum adquisierit pro ut ex instrumento diei decimae quintae januarii anni elapsi millesimi septigentesimi quadragesimi quarti a nobis approbato ut ex nostro diplomate diei 20 martii ejusdem anni, idcirco praefati Salvatoris Lostia supplicationibus annuentes tenore praesentis ex nostra certa scientia, regiaque authoritate, praehabito nostri consilii voto eidem Salvatori Lostia pro se eiusque prole, et posteritate utriusque sexus tam nata quam nascitura per lineam virilem, ex ipsomet Salvatore Lostia descenderit (?), arma seu insignia gentilitia pro ut hic describuntur concedimus et elargimur videlicet scutum e latere abscissorum in cujus supero scinisse caessio fulgeat sol aureus in imo autem argentei metalli sit ostium conchylieatum. variis claussis ipsorumque scutum galea militari dextrorsum ex polito calibe pennulisque discoloribus distinctum pro ut haec omnia pictoris artificio in medio hujusque concessionis clarius effigiata cernuntur.
Quae quidem arma seu insignia gentilitia praedictus Salvador Lostia totaque illius proles et posteritas utriusque sexus tam nata quam nascitura per lineam virilem ex eodem Salvatore Lostia descendens gestare valeant atque illis uti in omnibus actis picturis edificiis mobilibus, utensilibus, aliisque rebus pro libito voluntatis absque ullo impedimento aut contradictione, illustri propterea egregiis spectabilibus, magnificiis, dilectisque, consiliariis et fidelibus nostris proregi locumtenenti et capitaneo gen.li, regenti cancellariam, et doctoribus nostrae regiae audientiae, judicibus curiae, advocatis et procuratoribus fiscalibus et patrimonialibus gubernatoribus quoque seu reformatoribus in capitibus Calarsi et Gallurae, Sasseris, et Logudorii, Intend. Generali ac Regenti Nostram Regiam Thesaurariam ac universis et singulis ufficialibus et subditis nostris praesentibus, et futuris quovismodo nuncupatis in omnibus dominiis nostris, et praesertim in dicto nostro Sardiniae Regno constitutis et constituendis, cujus vis dignitatis status gradus et conditionis existentibus dicimus et mandamus ad incursum nostrae Regiae indignationis, et irae poenaque florenorum auri aragonum mille nostris regiis inferendorum aerariis a bonis secus agentis irremissibiliter exigendorum quatenus hujusmodi nostram regiam concessionem tenentes, et observantes tenerique et observari facientes, ipsum Salvatorem Lostia totamque ejus prolem, ac posteritatem utriusque sexum tam natam quam nascituram per lineam virilem ex eo descendentem praedicto armorum privilegio uti, et gaudere permittant contrarium nullatenus tentaturi ratione aliqua sive causa si officiales, et subditi n.ri praedicti gratiam n.ram regiam charam habent ac praeter irae, et indignationis nostrae incursum poenam praeappositam cupiunt evitare, in cujus rei testimonium praesentem fieri jussimus n.ro regio sigillo munitam.
Dat. Augustae Taurinorum die nona mensis martii anno nativitate Domini millesimo septingent.o quadragesimo quinto, Regni vero Nostri decimo sexto.
Carolus Emanuel